TELOnews.com

முல்லைத்தீவு, பளமாத்தளன் கரையோரத்தில் நடமாடிய புலிகளின் படகு ஒன்றை பாதுகாப்புப் படையினர் தாக்கியழித்துள்ளதாக இராணுவப் பேச்சாளர் பிரிகேடியர் உதய நாணயக்கார தெரிவித்தார்.பளமாத்தளன் பகுதியிலுள்ள ஒடுங்கிய கரையோர பிரதேசத்தில் புலிகளின் இரண்டு படகுகளின் நடமாட்டத்தை இராணுவத்தின் 55வது படைப் பிரிவினர் அவதானித்துள்ளனர். அதன் பின்னர் நடத்திய தாக்குதல்களில் புலிகளின் ஒரு படகு நிர்மூலமாக்கப்பட்டுள்ளது என்றும் அவர் மேலும் தெரிவித்தார். இதேவேளை, பச்சை புல்மோட்டை பிரதேசம் முழுவதும் இராணுவத்தின் கட்டுப்பாட்டின் கீழ் கொண்டு வரப்பட்டுள்ளதை அடுத்த புதுக்குடியிருப்பு வட கிழக்கு பிரதேசத்திற்குள் புலிகள் முடக்கப்பட்டுள்ளனர்.

இந்தப் பிரதேசத்தில் சிக்கியுள்ள நூற்றுக்கணக்கான புலிகளை இலக்கு வைத்து பாதுகாப்புப் படையினர் கடும் தாக்குதல்களை நடத்தி வருகின்றனர்.

இராணுவத்தின் 55வது, 58வது படைப் பிரிவுகளும், எட்டாவது அதிரடிப் படையினரும் இந்தப் பிரதேசத்தை முழுமையாக சுற்றிவளைத்துள்ளனர்.

You can leave a response, or trackback from your own site.