TELOnews.com

ராமேஸ்வரம் மீனவர்கள் இன்றுமுதல் காலவரையற்ற வேலை நிறுத்தப் போராட்டத்தை துவங்கியுள்ளனர்.தமிழக மீனவர்கள் அவ்வப்போது இலங்கை கடற்படையினரால் சிறைபிடிக்கப்படுவதும், தொடர்ந்து பேச்சுவார்த்தைக்கு பிறகு அவர்கள் விடுவிக்கப்படுவதும் என்பது வாடிக்கையாகிவிட்டது. கடந்த சில நாட்களாக இவ்வாறு சிறை பிடிக்கப்பட்ட 57 மீனவர்கள் இலங்கை சிறையில் அடைக்கப்பட்டுள்ளனர்.

இந்நிலையில் இவர்களை விடுவிப்பது தொடர்பாக ராமேசுவரத்தில் இன்று அனைத்து மீனவர்கள் சங்க கூட்டம் நடைபெற்றது. அப்போது இலங்கை சிறையில் உள்ள 57 மீனவர்களையும், இலங்கை வசம் உள்ள தமிழக மீனவர்களின் விசைப் படகுகளையும் உடனடியாக மீட்க நடவடிக்கை எடுக்க வேண்டும் என்பன உள்ளிட்ட பல்வேறு தீர்மானங்கள் மத்திய-மாநில அரசுகளை வலியுறுத்தி நிறைவேற்றப்பட்டது.

தொடர்ந்து இந்த செயல்களை கண்டித்து காலவரையற்ற வேலை நிறுத்தம் செய்வது என கூட்டத்தில் முடிவு செய்யப்பட்டது. அதன்படி ராமேசுவரம் விசைப்படகு மீனவர்கள் தங்களது வேலை நிறுத்தத்தை துவங்கியுள்ளனர். அதேபோல் புதுக்கோட்டை ஜெகதாப்பட்டினம் மீனவர்களும் இன்று முதல் தங்களது போராட்டத்தை அறிவித்துள்ளனர்.

You can leave a response, or trackback from your own site.