TELOnews.com

தமிழீழ மக்கள் விடுதலைக் கழகத்தின் (PLOTE) மறைந்த உறுப்பினர்களையும் அனைத்து இயக்க போராளிகளையும், யுத்த காலத்தில் மரணித்த பொது மக்களையும் நினைவுகூரும் முகமாக  வருடந்தோறும் அஞ்சலி நிகழ்வுகளை நடாத்தி வருகின்றது. அந்த வகையில் இம்முறையும்  இன்று 13 ஆம் திகதி தொடக்கம் 16 ஆம் திகதி வரையான காலப்பகுதியை தமது தோழர்களின் வீரமக்கள் வாரமாக பிரகடனப்படுத்தியுள்ளது. 

அதாவது தமிழர் விடுதலைக் கூட்டணியின் செயலாளர் நாயகம் அப்பாப்பிள்ளை அமிர்தலிங்கம் உயிர்நீத்த தினமான ஜூலை 13ஆம் திகதி முதல், தமிழீழ மக்கள் விடுதலைக் கழகத்தின் (புளொட்) செயலதிபர் க. உமா மகேஸ்வரன் உயிர்நீத்த தினமான ஜூலை 16ஆம் திகதி வரையிலான காலப்பகுதியை வீரமக்கள் தினமாக அஞ்சலி நிகழ்வுகளை முன்னெடுத்து வருகின்றமை குறிப்பிடத்தக்கது.

27ஆவது வீரமக்கள் தினத்தின் ஆரம்ப நிகழ்வுகளாக இன்று (13) வவுனியா கோவில்குளத்தில் அமைந்துள்ள புளொட் செயலதிபர் அமரர் உமாமகேஸ்வரனின் இல்லத்தில் காலை 10.00 மணியளவில்  அஞ்சலி நிகழ்வுகள் ஆரம்பமாகவுள்ளதாக தெரிவிக்கப்படுகின்றது.

இதில் புளொட் முக்கியஸ்தர்கள், உறுப்பினர்கள், ஆதரவாளர்கள், பொதுமக்கள் என பலரும் கலந்து கொள்ளவுள்ளதாக தெரிவிக்கப்படுகின்றது.

You can leave a response, or trackback from your own site.