TELOnews.com

ஆப்கானிஸ்தான் நாட்டில் உள்ள குன்டுஸ் நகரில் சீக்கிய இனத்தை சேர்ந்த சிலர் சொந்தமாக தொழில் நடத்தி வருகின்றனர். இவர்களுக்கான அமைப்புக்கு இங்கு தலைமையேற்று தேவையான உதவிகளை செய்து வந்தவர், லாலா டேல் சோஸ்.குன்டுஸ் நகரில் உள்ள ஹாஜி குலிஸ்தான் கோச்சி ஹமான் பகுதியில் கடை வைத்திருக்கும் இவர், இன்றுகாலை 9 மணியளவில் தனது கடைக்கு சென்று கொண்டிருந்தார். அப்போது, அவரை வழிமறித்த சில தீவிரவாதிகள் கண்ணிமைக்கும் நேரத்தில் துப்பாக்கிகளால் சரமாரியாக சுட்டனர்.

ரத்தவெள்ளத்தில் மயங்கி சாய்ந்த லாலா டேல் சோஸ், ஆஸ்பத்திரிக்கு தூக்கிச் செல்லும் வழியில் பரிதாபமாக உயிரிழந்தார்.

கடந்த ஐந்தாண்டுகளுக்கு முன்னரும் இதுபோன்றதொரு கொலைவெறி தாக்குதல் சம்பவத்தில் இருந்து மயிரிழையில் உயிர்பிழைத்த லாலா டேல் சோஸ், இன்றைய தாக்குதலில் பலியான சம்பவம் இந்நகரில் வாழ்ந்துவரும் சீக்கிய மக்களிடையே பெரும் சோகத்தை ஏற்படுத்தியுள்ளது.

You can leave a response, or trackback from your own site.