TELOnews.com

மாடிப்படியில் வழுக்கி விழுந்து ஒன்றரை வயது குழந்தை உயிரிழந்த பரிதாபகரமான சம்பவமொன்று திம்புள்ள – பத்தனை பொலிஸ் பிரிவுக்குட்பட்ட கொட்டகலை ரொசிட்டா பகுதியில் நேற்று இடம்பெற்றுள்ளது. கமலதாசன், சீதையம்மாள் ஆகியோரின் இரண்டாவது புதல்வியான ஒன்றரை வயது நிரம்பிய வஸ்மிளா நேற்று முன்தினம் இரவு 8.30 மணியளவில் பெற்றோரின் கவனயீனத்தினால் தனது வீட்டின் மாடிப்படியிலிருந்து வழுக்கி விழுந்து உயிரிழந்துள்ளார்.

சம்பவத்தின் போது தாய் மற்றும் பாட்டி வீட்டில் இருந்துள்ளதுடன் அவர்கள் வீட்டில் வேலை செய்துக் கொண்டிருந்த சமயம் இச்சம்பவம் இடம்பெற்றுள்ளது.

குழந்தை உடனடியாக டிக்கோயா கிளங்கன் வைத்தியசாலைக்கு அனுமதிக்கப்பட்டதன் பின் மேலதிக சிகிச்சைக்காக கண்டி வைத்தியசாலைக்கு கொண்டு சென்று கொண்டிருக்கும் போது வழியில் மரணமடைந்ததாக வைத்தியசாலை அதிகாரியொருவர் தெரிவித்தார்.

பிரேத பரிசோதனைகளின் பின் சிறுமியின் சடலம் பெற்றோர்களிடம் ஒப்படைக்கப்படும் என தெரிவிக்கப்பட்டது.

மாடிப்படிகள் பாதுகாப்பற்ற முறையில் கட்டப்பட்டுள்ளதாலேயே இப் பரிதாப சம்பவம் இடம்பெற்றுள்ளது.

You can leave a response, or trackback from your own site.