TELOnews.com

கேரள மாநிலம் கோழிக்கோடு மாவட்டத்தை சேர்ந்தவர் மோனிஷா மோகன் (வயது 24). ‘ஏர் இந்தியா எக்ஸ்பிரஸ்’ நிறுவனத்தில் விமான பணிப்பெண்ணாக பணியாற்றி வந்த இவர், கரிப்பூர் என்ற இடத்தில் உள்ள அடுக்குமாடி குடியிருப்பில் தனியாக வசித்து வந்தார். நேற்று முன்தினம் வழக்கம் போல் பணியை முடித்துவிட்டு வீட்டுக்கு சென்றுவிட்ட மோனிஷாவிடம் பேசுவதற்காக அவரது தாயார் அவரின் செல்போன் எண்ணுக்கு பலமுறை தொடர்பு கொண்டு உள்ளார். ஆனால் மோனிஷா அவரது அழைப்பை ஏற்கவில்லை. இதனால் சந்தேகமடைந்த அவர் மோனிஷாவுடன் பணிபுரியும் ஆண் நண்பர் ஒருவரை தொடர்பு கொண்டு இது குறித்து தெரியப்படுத்தினார். 

இதையடுத்து அந்த நபர் மோனிஷாவின் வீட்டுக்கு சென்று பார்த்தபோது அங்கு மோனிஷா தூக்கில் பிணமாக தொங்கிக் கொண்டிருந்ததை கண்டு அதிர்ச்சியடைந்தார். இதை அறிந்த போலீசார் விரைந்து சென்று மோனிஷாவின் உடலை மீட்டு மருத்துவமனைக்கு அனுப்பிவைத்தனர். மோனிஷாவின் தற்கொலைக்கான காரணம் குறித்து போலீசார் தீவிரமாக விசாரித்து வருகின்றனர்.

You can leave a response, or trackback from your own site.