TELOnews.com

கொழும்பு குருணாகலை பிரதான வீதியில் பொத்துஹேர பொலிஸ் பிரிவில் நேற்று அதிகாலை இடம்பெற்ற வாகன விபத்தில் ஒரு குழந்தை உட்பட மூவர் சம்பவ இடத்திலேயே உயிரிழந்துள்ளதுடன் மேலுமொரு பெண் படுகாயமடைந்துள்ளார்.முச்சக்கர வண்டியும் டிப்பர் வாகனமும் நேருக்கு நேர் மோதியதிலேயே இவ்விபத்து இடம்பெற்றது.

சம்பவத்தில் முச்சக்கர வண்டி சாரதியான குருப்பு ஆரச்சிகே ஹர்ஷ மதுசங்க (26), அவரது குழந்தையான சதென்மா நெத்சரனி(1 1/2) மற்றும் அடையாளம் காணப்படாத சுமார் 60 வயது மதிக்கத்தக்க பெண் ஆகியோரே உயிரிழந்துள்ளனர். விபத்து நேற்று அதிகாலை ஒரு மணியளவில் இடம்பெற்றுள்ளது. விபத்துக்குள்ளானவர்கள் இனாமலுவ பிரதேசத்தைச் சேர்ந்தவர்களாவர். போயகனே பிரதேசத்திலிருந்து குருணாகலை நோக்கிச் சென்ற முச்சக்கர வண்டி டிப்பர் வண்டியுடன் நேருக்கு நேர் மோதியதிலேயே இவ்விபத்து இடம்பெற்றுள்ளது.

விபத்தின்போது முச்சக்கர வண்டியின் பின்ஆசனத்தில் இரண்டு பெண்களும் ஒன்றரை வயது குழந்தையும் இருந்துள்ளனர். இவர்களுள் சாரதி, ஒரு பெண் மற்றும் குழந்தையே உயிரிழந்துள்ளனர். மற்றைய பெண் படுகாயமடைந்த நிலையில் குருணாகலை வைத்தியசாலையில் அனுமதிக்கப்பட்டுள்ளார். பொலிஸார் டிப்பர் வண்டி சாரதியை கைது செய்து விசாரணைகளை முன்னெடுத்து வருகின்றனர்.

You can leave a response, or trackback from your own site.