TELOnews.com

நடிகையும் சரத்குமார் மனைவியுமான ராதிகாவுக்கு வருமான வரித்துறை அதிகாரிகள் சம்மன் அனுப்பியுள்ளனர்.தமிழக சுகாதாரத் துறை அமைச்சர் விஜயபாஸ்கர், நடிகர் சரத்குமாரின் வீடு உள்பட தமிழகம் முழுவதும் கிட்டத்தட்ட 50 இடங்களில் கடந்த 7-ஆம் தேதி வருமான வரித்துறை அதிகாரிகள் சோதனை நடத்தினர். இதில் பல்வேறு ஆவணங்கள் கைப்பற்றப்பட்டன. இதனிடையே வருமான வரித்துறை அலுவலகத்தில் நேரில் ஆஜராகி விளக்கம் அளிக்க சரத்குமாருக்கு சம்மன் அனுப்பப்பட்டிருந்தது. அதன்படி நுங்கம்பாத்தில் உள்ள அலுவலகத்தில் ஆஜரான சரத்குமாரிம் 100-க்கும் மேற்பட்ட கேள்விகள் கேட்கப்பட்டன.

இதனிடையே, நேற்று சரத்குமாரின் மனைவிக்கு சொந்தமான ராடான் நிறுவனத்திலும் வருமான வரித்துறை அதிகாரிகள் சோதனை நடத்தினர். இந்நிலையில் ராதிகாவுக்கும் வருமான வரித்துறை அதிகாரிகள் சம்மன் அனுப்பியுள்ளனர். இன்று மாலை 3 மணிக்குள் நேரில் ஆஜராகும்படி அதில் கூறப்பட்டுள்ளது. இதேபோல் மீண்டும் ஆஜராகும்படி சரத்குமாருக்கும் சம்மன் அனுப்பப்பட்டுள்ளது.

You can leave a response, or trackback from your own site.