TELOnews.com

முக்கிய பதவி மாற்றங்களுடன் ஐக்கிய தேசிய கட்சியின் மத்திய செயற்குழு கூட்டம் கட்சியின் தலைமையகத்தில் இன்று (வியாழக்கிழமை) நடைபெறவுள்ளது.அதன்படி இன்றைய தினம் கட்சி தலைமைப் பொறுப்பு குறித்த முக்கிய தீர்மானம் எடுக்கப்படும் என எதிர்பார்க்கப்படுகிறது. அதேவேளை கட்சியின் ஏனைய பதவிகள் தொடர்பாகவும் இன்றைய தினம் தீர்மானிக்கப்படும் என தெரிவிக்கப்படுகிறது.

பிரதமர் ரணில் விக்ரமசிங்க தலைமையிலான நேற்றைய அரசியற்குழுக் கூட்டத்தின் போது கட்சியின் முக்கிய பதவிகளுக்கான உறுப்பினர்கள் பெயரிடப்பட்டிருந்தனர். அதன்படி, கட்சியின் புதிய பொதுச் செயலாளராக அமைச்சர் அகில விராஜ் காரியவசமும் தவிசாளராக அமைச்சர் கபீர் ஹசீமும் நியமிக்கப்பட்டுள்ளனர்.

மேலும், தேசிய அமைப்பாளராக நவீன் திஸாநாயக்க நியமிக்கப்பட்டுள்ளதுடன் பிரதித் தலைவராக சஜித் பிரேமதாசவும், ரவி கருணாநாயக்க உப தலைவராகவும் நியமிக்கப்பட்டுள்ளனர். அத்துடன் கட்சியின் பொருளாளராக ஹர்ச டி சில்வா நியமிக்கப்பட்டுள்ளார். அதற்கமைய, நேற்றையதினம் மேற்கொள்ளப்பட்ட தீர்மானங்கள் இன்று இடம்பெறவுள்ள செயற்குழு கூட்டத்தில் முன்வைக்கப்படவுள்ளமை குறிப்பிடத்தக்கது.

You can leave a response, or trackback from your own site.