TELOnews.com

இலங்கையின் கிழக்கே மட்டக்களப்பு நகரிலுள்ள பிரபல ஆரம்ப பாடசாலையொன்றின் 8 வயது மாணவியொருவர் கடத்தப்பட்டு படுகொலை செய்யப்பட்ட சம்பவத்துடன் தொடர்புடையதாக கூறப்படும் சந்தேக நபர்களான 3 இளைஞர்கள் இன்று அதிகாலை பொலிசாரின் துப்பாக்கிச் சூட்டில் கொல்லப் பட்டுள்ளார்கள். சதீஸ்குமார் தினுச்சிகா என்ற இம் மாணவி கடந்த செவ்வாய்க்கிழமை பாடசாலைக்கு சென்றிருந்தவேளை கடத்தப்பட்டு ரூபா 30 லட்சம் கப்பம் கோரப்பட்டு பின்னர் கடந்த சனிக்கிழமை சடலமாக கண்டு பிடிக்கப்பட்டார்.

இக் கொலை தொடர்பாக விசாரணைகளை நடத்தி வந்த பொலிசார், சந்தேகத்தின் பேரில் சிலரை விசாரணைக்கு உட்படுத்தியதாகவும்,
மாணவியின் பாடசாலை புத்தகப் பை மறைத்து வைக்கப்பட்டுள்ளதாக கூறப்பட்ட இடத்தை அடையாளம் காட்டுவதற்காக கள்ளியங்காடு முஸ்லிம் மையவாடிப் பகுதிக்கு இம் மூவரும் பொலிசாரால் அழைத்துச் செல்லப்பட்ட போது அங்கு மறைத்து வைக்கப்பட்டிருந்த ஆயுதங்கள் மூலம் பொலிசாரை அவர்கள் தாக்க முற்பட்டதாகவும், பொலிசார் மேற்கொண்ட பதில் நடவடிக்கைகளில் இம் மூவரும் கொல்லப்பட்டதாகவும் பொலிசார் தெரிவிக்கின்றனர். இவர்களால் மறைத்து வைக்கப்பட்டிருந்த ஆயுதங்கள் அங்கு கண்டெடுக்கப்பட்டதாகவும் பொலிசார் தெரிவிக்கின்றனர்.

You can leave a response, or trackback from your own site.