கருணாநிதியின் உடல்நலம் பற்றி நேரில் சென்று முதல்வர் விசாரித்தது நல்ல மாண்பு – கமல்ஹாசன் பாராட்டு
மக்கள் நீதி மய்யம் கட்சியின் தலைவர் நடிகர் கமலஹாசன் நேற்று சென்னையில் இருந்து விமானம் மூலம் மும்பைக்கு புறப்பட்டுச் சென்றார். முன்னதாக அவர் செய்தியாளர்களை சந்தித்தார். அப்போது அவர் நிருபர்களிடம் கூறியதாவது:-
திமுக தலைவர் கலைஞரை சந்திக்க முடியவில்லை. என்னுடைய ஆதங்கத்தின் காரணமாக போனேன். கலைஞர் நலம் பெற்றுவிட்டதாகவும், இல்லை என்றும் கூறுவதும் பற்றி எனக்கு தெரியாது.__
சிகிச்சை நடந்துகொண்டு இருக்கிறது. கலைஞர் நலம் பெற வேண்டும் என்பதுதான் எல்லோரையும் போல் என்னுடைய ஆசையும் ஆகும்.
ரஜினிகாந்த் வெளியூரில் இருப்பதால் சந்திக்கவில்லை. நல்ல செய்தியாக இருக்கும் என்பதால் வெளியூர் செல்கிறேன்.
கலைஞரை, முதல்வர் உள்பட அதிமுகவினர் நேரில் சென்று உடல்நலம் விசாரித்தது நல்ல மாண்பு. 19 வயதில் இருந்து அரசியலில் இருக்கும் பெரும் தலைவர். அவர் எப்படிப்பட்ட தலைவர் என்பது முக்கியமல்ல. இது போன்ற நிகழ்வுகளில் மாண்பு காண்பிப்பது பாராட்டுக்குரியது என தெரிவித்துள்ளார்.
மூலம்/ஆக்கம் : இணையத்தள செய்தி
You can leave a response, or trackback from your own site.
Leave a Reply