TELOnews.com

நெதர்லாந்திலுள்ள இலங்கைத் தூதரகம் மீது புலிகளின் ஆதரவாளர்கள் நேற்று முன்தினம்  இரவு தாக்குதல் நடத்தியிருப்பதாக வெளிவிவகார அமைச்சின் பேச்சாளர் ஹசன் தெரிவித்தார்.ஹெய்க் நகரிலுள்ள இலங்கைத் தூதரகத்தின் பல கண்ணாடிகளை புலிகளின் ஆதரவாளர்கள் அடித்து நொறுக்கியிருப்பதாகவும் அவர் கூறினார். இச்சம்பவம் நேற்று முன்தினம் இரவு 10.30 மணியளவில் இடம்பெற்றுள்ளது.

சம்பவத்தின்போது தூதரகத்தில் யாரும் கடமையில் இருக்கவில்லையெனவும் வெளிவிவகார அமைச்சின் பேச்சாளர் குறிப்பிட்டார்.நெதர்லாந்துக்கான இலங்கைத் தூதுவர், க்ரேஸ் ஆசிர்வாதம் அந்நாட்டு வெளிவிவகார அமைச்சரிடம் இச்சம்பவம் தொடர்பாக முறையிட்டுள்ளதுடன் தூதரகத்துக்கான பாதுகாப்பை பலப்படுத்துமாறும், சம்பவம் குறித்து விசாரணைகளை முன்னெடுக்குமாறு கோரிக்கை விடுத்திருப்பதாகவும் அவர் சுட்டிக்காட்டினார். இச்சம்பவம் தொடர்பாக நேற்று வரையில் எவரும் கைது செய்யப்படவில்லையென வெளிவிவகார அமைச்சு தெரிவித்தது.

You can leave a response, or trackback from your own site.