இணையத்தை கலக்கும் சுட்டிக்குதிரை : மயக்கம் வருவதுபோல் நடிக்கிறது
சீனாவின் ஹூனான் மாகாணம் ஜிங்ஜாங் நகரில் உள்ள ஒரு விவகாரமான குதிரை இணையத்தை கலக்கி வருகிறது. அந்த குதிரை அப்படி என்ன விவகாரமாக செய்கிறது என்று கேட்கிறீர்களா?
தன் மீது சவாரி செய்ய யாரேனும் ஏறினால் மயக்கம் வருவதுபோல் நடித்து தரையில் விழுந்து விடுகிறது இந்த சுட்டி குதிரை. உயிர்போனால் எப்படி தரையில் கிடக்குமோ, அப்படி கால்களை மேலே தூக்கி, நாக்கை வெளியே தள்ளி அட்டகாசமாக நடிக்கிறது அந்த குதிரை.
பின்னர் சவாரி செய்ய வந்தவர் திரும்பி சென்றதும் துள்ளி குதித்து எழுந்து விடுகிறது. ஊரின் பெயரையே அந்த குதிரைக்கு வைத்து அதை ‘ஜிங்ஜாங்’ என்று அழைக்கின்றனர். ஒவ்வொரு முறையும் அதன் மீது ஏற வரும்போது மயங்கி விழுந்து விடுகிறது ‘ஜிங்ஜாங்’. சில சமயம் தொட்டாலே மயக்கம்போட்டு விழுகிறது.
‘ஜிங்ஜாங்’ சுட்டித்தனம் செய்யும் வீடியோ சமூக வலைதளங்களில் வைரலாகியுள்ளது. மிகக்குறைவான நேரத்தில் 2 கோடிக்கும் அதிகமான பார்வைகளை அந்த வீடியோ பெற்றிருக்கிறது.
சில நாட்களுக்கு முன்பாக, நகம் வெட்டுவதை விரும்பாத நாய் ஒன்று, நகவெட்டியை அருகில் கொண்டு சென்றாலே மயக்கம் வருவதுபோல் தரையில் விழுந்து நடிக்கும் வீடியோ இணையத்தில் வைரலானது நினைவுகூரத்தக்கது.
மூலம்/ஆக்கம் : இணையத்தள செய்திYou can leave a response, or trackback from your own site.
Leave a Reply