TELOnews.com

தமிழ்த் தேசியக் கூட்டமைப்பின் பாராளுமன்ற உறுப்பினர் எம்.ஏ. சுமந்திரனுக்கு வழங்கப்பட்டு வந்த விஷேட அதிரடிப் படை (எஸ்.ரி.எப்.) பாதுகாப்பு தனது உத்தரவின் பேரில் நீக்கப்பட்டது என பொதுப் பாதுகாப்பு அமைச்சர் சரத் வீரசேகர தெரிவித்துள்ளார்.

தனது உயிருக்கு அச்சுறுத்தல் இருப்பதாகக் கூறி விஷேட அதிரடிப் படை பாதுகாப்பை பெற்றுக்கொண்ட சுமந்திரன், ஆர்ப்பாட்டத்தில் கலந்து கொண்டிருந்த நிலையிலேயே அவருக்கான பாதுகாப்பு நீக்கப்பட்டது என சரத் வீரசேகர தெரிவித்தார். சிங்கள தொலைக்காட்சி ஒன்றில் இடம்பெற்ற விஷேட நேர்காணலில் அவர் இவ்வாறு குறிப்பிட்டார்.

மேலும் உண்மையாகவே சுமந்திரனின் உயிருக்கு அச்சுறுத்தல் இருந்திருந்தால், அவர் ஒரு பொது நிகழ்ச்சியில் பங்கேற்றிருக்க மாட்டார் என்றும் அவர் கூறினார். இருப்பினும் சுமந்திரனுக்கு அனைத்து பாராளுமன்ற உறுப்பினர்களுக்கும் வழங்கப்படும் பொலிஸ் பாதுகாப்பு தொடர்ந்தும் வழங்கப்படும் என்றும் சரத் வீரசேகர தெரிவித்தார்.

You can leave a response, or trackback from your own site.