TELOnews.com

கொட்டாவ மற்றும் அத்துருகிரியவுக்கு இடைபட்ட பகுதியில் பயணித்து கொண்டிருந்த வேன் ஒன்று திடீரென தீப்பற்றி எரிந்துள்ளதாக அதிவேக நெடுஞ்சாலை பொலிஸார் தெரிவித்துள்ளனர். அதனை தொடர்ந்து அதில் பயணித்த 5 பேர் வெளியே குதித்து உயிரை காப்பாற்றிக் கொண்டுள்ளதாக பொலிஸார் தெரிவித்துள்ளனர்.

ஹம்பாந்தோட்டை அதிவேக நெடுஞ்சாலை நுழைவாயிலில் வேன் பயணித்துக் கொண்டிருந்த போது வேனில் மாறுபட்ட வாசனை ஏற்பட்டதனை தொடர்ந்து சாரதி வாகனத்தை நிறுத்தியுள்ளார்.நிறுத்தியவுடன் வாகனத்தில் திடீரென தீப்பற்றியுள்ளதென பொலிஸா் தெரிவித்துள்ளனர். உடனடியாக வாகனத்திற்குள் இருந்தவர்கள் வெளியே குதித்து உயிரை காப்பாற்றிக் கொண்டுள்ளனர்.உடனடியாக அதிவேக நெடுஞ்சாலை பொலிஸ் விசேட அதிரடிப்படை அதிகாரிகள் தீயணைக்க நடவடிக்கை எடுத்துள்ளனர். எனினும் அதற்குள் வாகனம் முழுமையாக தீப்பற்றி எரிந்துள்ளது.தீக்கான காரணம் தொழில்நுட்ப கோளாறு என சந்தேகிக்கப்படுவதாக பொலிஸ் அதிகாரிகள் தெரிவித்துள்ளனர்.உயிர் தப்பியவர்கள் களனி பொல்லேக பிரதேசத்தை சேர்ந்தவர்களாகும்.

You can leave a response, or trackback from your own site.