TELOnews.com

ஏப்ரல் மாதம் 13ஆம் திகதி முதல் இன்று காலை 6 மணி வரையிலான ஏழு நாட்களுக்குள் வாகன விபத்துகளினால் 69 பேர் உயிரிழந்துள்ளதாக பொலிஸ் ஊடகப் பேச்சாளரும் பிரதி பொலிஸ் மா அதிபருமான அஜித் ரோஹண தெரிவித்தார்.

இது தொடர்பாக அவர் மேலும் தெரிவிக்கையில், இந்த நிலைமையில் மாற்றமொன்று காணப்படாவிட்டால் வாகன விபத்துக்களின் மூலம் ஆண்டொன்றுக்கு சுமார் 3650 உயிரிழப்புக்கள் இடம்பெறலாம் என்று தெரிவித்தார்.

ஏப்ரல் மாதம் 18ஆம் திகதி மதியம் 12.00 மணி முதல் நேற்று காலை 6.00 மணி வரையிலான 18 மணித்தியாலங்களில் பொலிசார் மேற்கொண்ட விசேட சுற்றிவழைப்பின் மூலம் மதுபோதையில் வாகனம் செலுத்திய குற்றச்சாட்டில் 905 சாரதிகள் கைது செய்யப்பட்டுள்ளனர்.

அத்துடன், இந்த காலப்பகுதியினுள் 6,898 மோட்டார் வாகன வழக்குகள் பெறப்பட்டுள்ளதாகவும் பொலிஸ் ஊடகப் பேச்சாளர் மேலும் தெரிவித்தார்.

You can leave a response, or trackback from your own site.