TELOnews.com

ஊவா மற்றும் யாழ். வவுனியா உள்ளூராட்சி சபைத் தேர்தல்களுக்கான தபால் மூல வாக்காளர் அட்டைகள் நாளை முதல்  விநியோகிக்கப்பட உள்ளதாக தேர்தல் செயலகம் கூறியது. உத்தியோகபூர்வ வாக்காளர் அட்டைகள் 21 ஆம் திகதி முதல் 31 ஆம் திகதி வரை விநியோகிக்கப்பட உள்ளன.

ஊவா மற்றும் யாழ். மாநகர சபை, வவுனியா நகர சபை என்பவற்றுக்கான தபால் மூல வாக்காளர் அட்டைகள் நாளை தேர்தல் திணைக்களத்தினால் தபால் திணைக்களத்திற்கு கையளிக்கப்படவுள்ளன. அவை பாதுகாப்பாக தபாலில் விநியோகிக்க நடவடிக்கை எடுக்கப்பட்டுள்ளது.

தபால் மூல வாக்களிப்பு 27 ஆம் 28 ஆம் திகதிகளில் இடம்பெற உள்ளன. இதேவேளை வாக்காளர் அட்டைகள் எதிர்வரும் 21 ஆம் திகதி தபால் திணைக்களத்திற்கு கையளிக்கப்பட உள்ளன. விடுமுறை தினமான எதிர்வரும் 26ஆம் திகதி விசேட வாக்காளர் அட்டை விநியோகம் இடம்பெற உள்ளது. வாக்காளர் அட்டைகள் கிடைக்காதோர் அருகில் உள்ள தபால் நிலையங்களுக்குச் சென்று தமது அடையாளத்தை உறுதிப்படுத்தி தமக்குரிய வாக்காளர் அட்டைகளை பெறுமாறும் கேட்கப்படுகின்றனர்.

You can leave a response, or trackback from your own site.