TELOnews.com

கிழக்கே அம்பாறை – மட்டக்களப்பு மாவட்டங்களில் இன்று  சனிக்கிழமை இன்ஸ்பெக்டர் உட்பட இரண்டு பொலிஸார் வீதியில் வைத்து ஆயுததாரிகளினால் சுட்டுக்கொல்லப்பட்டுள்ளார்கள்.

அம்பாறை மாவட்டம் சாய்ந்தமருது என்னுமிடத்தில் சுட்டுக்கொல்லப்பட்ட இன்ஸ்பெக்டர், களுவாஞ்சிகுடி பொலிஸ் நிலையத்தில் பணியாற்றுபவர். மட்டக்களப்பு மாவட்டம் ஏறாவூரில் சுட்டுக்கொல்லப்பட்ட பொலிஸ் கான்ஸ்டபிள், கரடியனாறு பொலிஸ் நிலையத்தில் சேவையாற்றுபவர். முஸ்லிம்களான குறிப்பிட்ட இருவரும் கடமை முடிந்து தமது வீடுகளுக்கு செல்லும் வழியிலே சுடப்பட்டதாக பொலிஸ் தகவல்கள் தெரிவிக்கின்றன.

விடுதலைப் புலிகளின் பிஸ்டல் பிரிவினரே இந்த தாக்குதலை நடத்தியிருக்கலாம் என பொலிஸார் சந்தேகம் வெளியிட்டுள்ளார்.

You can leave a response, or trackback from your own site.