TELOnews.com

நானுஓயா காவல்துறை பிரிவுக்குட்பட்ட நானுஓயா கிளாசோ ஆலயத்துக்கு அருகில் ஞாயிற்றுக்கிழமை (03) இரவு முச்சக்கரவண்டியொன்று விபத்துக்குள்ளானதில் ஐவர் படுகாயமடைந்துள்ளனர். நானுஓயா உடரதல்ல பகுதியில் இருந்து நானுஓயா நகருக்கு பயணித்த முச்சக்கரவண்டியானது சாரதியின் கட்டுப்பாட்டை இழந்து மண் மேட்டில் மோதுண்டதையடுத்து முச்சக்கரவண்டி வீதியோரம் குடைசாய்ந்து விபத்துக்குள்ளானது.

இந்த விபத்தில் முச்சக்கரவண்டியில் பயணித்த ஐந்து பேர் பலத்த காயங்களுக்குட்பட்ட நிலையில் நுவரெலியா மாவட்ட பொது வைத்தியசாலையில் அனுமதிக்கப்பட்டுள்ளனர்.

இந்நிலையில் முச்சக்கரவண்டி கடுமையாக சேதமடைந்துள்ளது.

இவ்விபத்து தொடர்பில் நானுஓயா பொலிஸார் மேலதிக விசாரணைகளில் ஈடுபட்டுள்ளனர்.

You can leave a response, or trackback from your own site.