TELOnews.com

பிட்டிகல – எல்பிட்டிய வீதியில் அமுகொடை பிரதேசத்தில் இடம்பெற்ற விபத்தில் ஒருவர் உயிரிழந்துள்ளதாக பிட்டிகல பொலிஸார் தெரிவித்தனர். இந்த விபத்து நேற்று செவ்வாய்க்கிழமை (12) இடம்பெற்றுள்ளது.

பிட்டிகலவில் இருந்து எல்பிட்டிய நோக்கிப் பயணித்த மோட்டார் சைக்கிள் ஒன்று அதே திசையில் பயணித்த துவிச்சக்கரவண்டி ஒன்றுடன் மோதியதில் இந்த விபத்து இடம்பெற்றுள்ளது.

விபத்தின் போது படுகாயமடைந்த மோட்டார் சைக்கிளின் செலுத்துனரும் துவிச்சக்கரவண்டியின் செலுத்துனரும் எல்பிட்டிய வைத்தியசாலையில் அனுமதிக்கப்பட்ட நிலையில், துவிச்சக்கரவண்டியின் செலுத்துனர் மேலதிக சிகிச்சைக்காக கராப்பிட்டிய வைத்தியசாலைக்கு மாற்றப்பட்ட பின்னர் சிகிச்சை பலனின்றி உயிரிழந்துள்ளார்.

உயிரிழந்தவர் பிட்டிகல, அமுகொடை பிரதேசத்தைச் சேர்ந்த 68 வயதுடையவர் ஆவார்.

இது தொடர்பான மேலதிக விசாரணைகளை பிட்டிகல பொலிஸார் மேற்கொண்டு வருகின்றனர்.

You can leave a response, or trackback from your own site.