TELOnews.com

எதிர்வரும் பொதுத் தேர்தலில் ஜெனரல் சரத் பொன்சேக்கா கொழும்பு மாவட்டத்திலும் அர்ஜூன ரணதுங்க மற்றும் டிரான் அலஸ் ஆகியோர் வெற்றிக் கிண்ணம் சின்னத்தில் போட்டியிடுவார்களானால் அந்த இரண்டு மாவட்டங்களிலும் புதிய ஜனநாயக முன்னணியின் அன்னப்பறவைச் சின்னத்தில் அணியொன்றைக் களமிறக்குவது குறித்து ஐக்கிய தேசியக் கட்சியுடன் நெருக்கிய தொடர்புடைய சிலர் பேச்சுக்களை நடத்தியிருப்பதாக நம்பத்தகுந்தத் தரப்புத் தகவல்கள் தெரிவிக்கின்றன.

ஐக்கிய தேசிய முன்னணியுடன் நடைபெற்ற பேச்சுவார்த்தை தோல்வியடைந்ததை அடுத்து வெற்றிக்கிண்ணம் சின்னத்தில் போட்டியிடப் போவதாக ஜே.வி.பி அறிவித்ததால் அந்தக் கட்சிக்கெதிராக அன்னப்பறவைச் சின்னத்தில் குழுவொன்றைக் களமிறக்குமாறு தமது கட்சிக்கு யோசனை கூறிய போதிலும் அதுகுறித்து எந்தத் தீர்மானமும் எடுக்கவில்லையென ஐக்கிய தேசியக் கட்சியின் சிரேஸ்ட அதிகாரியொருவர் தெரிவித்துள்ளார்.

You can leave a response, or trackback from your own site.