ஆறு பல்கலைக்கழக மாணவர்கள் கைது
ருகுணு பல்கலைக்கழகத்தின் மூன்றாம் வருட மாணவன் சுசந்த அனிர பண்டாரவின் மரணத்துக்குக் காரணமான பொலிஸாரைக் கைது செய்யக் கோரி கொழும்பு-நுகேகொட பகுதியில் நேற்று இரவு சுவரொட்டிகளை ஒட்டிக்கொண்டிருந்த பல்கலைக்கழக மாணவர்கள் ஆறு பேரை பொலிஸார் கைது செய்துள்ளனர்.
பல்கலைக்கழக உள்வாரி மாணவர்கள் ஒன்றியத்தின் அமைப்பாளர் உபுல் பிறேமரட்ண இத்தகவலை ஊடகங்களுக்குத் தெரிவித்தார். ஸ்ரீ ஜயவர்தனபுர பல்கலைக் கழக மாணவர்கள் இருவர் கிருலப்பனைப் பொலிஸ் நிலையப் பொலிஸாராலும், கொழும்பு பல்கைக்கழகத்தின் சுதேச வைத்தியத் துறை மாணவர்கள் நால்வர் வெலிக்கடைப் பொலிஸ் நிலையப் பொலிஸாராலும் கைது செய்யப்பட்டு விளக்கமறியலில் போடப்பட்டுள்ளனர் என்றும் அவர் குறிப்பிட்டார்.
அத்துடன் களனிப் பகுதியில் மாணவர்களால் ஒட்டப்பட்டிருந்த சுவரொட்டிகளை பொலிஸார் அகற்றி விட்டனர் என்றும் அவர் சுட்டிக்காட்டினார். கருத்து வெளியிடும் சுதந்திரத்தை மீறும் வகையில் பொலிஸார் செயற்பட்டிருக்கின்றமைக்கு எதிராக உயர் நீதிமன்றத்தில் இந்த வாரம் அடிப்படை உரிமை மீறல் மனு தாக்கல் செய்வார்கள் என்றும் அவர் குறிப்பிட்டார்.
மூலம்/ஆக்கம் : இணையத்தள செய்திYou can leave a response, or trackback from your own site.
Leave a Reply