TELOnews.com

பாகிஸ்தானில் 152 பயணிகளை ஏற்றிச் சென்ற பயணிகள் விமானமொன்று மோசமான காலநிலை காரணமாக மலைப்பாங்கான பாகிஸ்தான் தலைநகரில் இன்று காலை விபத்துக்குள்ளாகியுள்ளது. மீட்பாளர்கள் மழை மற்றும் கடினமான பாதைகளுக்கு மத்தியில் சம்பவ இடத்தை அடைய முயற்சி செய்து வருகின்றனர். மேற்படி விபத்துக்கான காரணம் இன்னும் கண்டறியப்படவில்லையெனவும் இவ் விமானம் கராச்சியிலிருந்து புறப்பட்டு இஸ்லாமாபாத்திற்கு சென்றதாகவும் சீரற்ற காலநிலைக்கு மத்தியில் தரையிரங்க முயற்சித்ததாகவும் பாகிஸ்தான் சிவில் விமான சேவை அதிகாரியொருவர் தெரிவித்தார்.

இவ் விமானம் இஸ்லாமாபாத்தில் தரையிற்ங்கவிருந்த வேளையில் கட்டுப்பாடுக் கோபுரத்துடனான அதன் தொடர்பு துண்டிக்கப்பட்டதாகவும் அதன் பின் அது விபத்துக்குள்ளான தகவலை தாம் அறிந்து கொண்டதாகவும் அவர் மேலும் தெரிவித்தார்.சம்பவ இடத்தில் நெருப்பு மற்றும் புகை உருவாகியுள்ள காட்சியை பாகிஸ்தானிய செய்திச்சேவை நிறுவனங்கள் ஒளிபரப்பியுள்ளன.

பயணிகளின் உறவினர்கள் பெனாசிர் பூட்டோ சர்வதேச விமான நிலையத்தில் குழுமியுள்ளதாகவும் அவர்கள் தங்கள் உறவுகளின் தகவலை தேடி அழுதவண்ணம் உள்ளதாகவும் விமான நிலைய அதிகாரியொருவர் தெரிவிக்கின்றார்.

You can leave a response, or trackback from your own site.