TELOnews.com

வத்தளையில் இன்று  காலையில்  இடம் பெற்ற தற்கொலைக் குண்டு வெடிப்புச் சம்பவத்தில் எட்டுப் பேர் கொல்லப்பட்டதுடன் சுமார் 17 பேர் காயமடைந்தனர்.

வத்தளை, ஹேகித்த ஆலய வீதிக்கருகிலேயே இந்தக் குண்டு வெடிப்புச் சம்பவம் இடம்பெற்றுள்ளது

சிவில் பாதுகாப்புப் படை முகாமை நோக்கி வந்த ஒருவரைச் சோதனையிட முயன்றபோதே அவர் குண்டை வெடிக்கச் செய்துள்ளதாக ஆரம்ப விசாரணைகளிலிருந்து தெரிய வருகிறது. இந்தத் தற்கொலைத் தாக்குதலில் சிவில் பாதுகாப்புப் பிரிவைச் சேர்ந்த ஐவரும் கொல்லப்பட்டனர்.

காயமடைந்தவர்களில் 12 பேர் ராகமை வைத்திய சாலையிலும் ஐவர் மேலதி சிகிச்சைக்காக கொழும்பு தேசிய வைத்தியசாலையில் அனுமதிக்கப்பட்டுள்ளனர். வைத்தியசாலையில் அனுமதிக்கப்பட்டுள்ளவர்களின் சிலரின் நிலை கவலைக்கிடமாக இருப்பதாக ஆஸ்பத்திரி வட்டாரங்கள் தெரிவித்தன.

You can leave a response, or trackback from your own site.