தொம்பே பொலிஸ் நிலையத்தைச் சேர்ந்த ஐவர் கைது
தொம்பே பொலிஸ் நிலையத்தின் குற்றவியல் விசாரணைப் பிரிவின் பொறுப்பதிகாரி உட்பட ஐவர் கைது செய்யப்பட்டுள்ளனர். இவர்களைக் குற்றப் புலனாய்வுப் பொலிஸாரே கைது செய்துள்ளனர். கைது செய்யப்பட்ட ஏனைய நால்வரும் அதே பொலிஸ் நிலையத்தைச் சேர்ந்த பொலிஸ் கான்ஸ்டபிள்களாவர்.தொம்பே பொலிஸாரால் சந்தேகத்தின் பேரில் கைது செய்யப்பட்ட இளைஞன் ஒருவன் பொலிஸ் நிலையத்தில் உயிரிழந்தமையையடுத்தே இவர்கள் ஐவரும் கைது செய்யப்பட்டனர்.
இதேவேளை, தொம்பே பொலிஸ் தடுப்பிலிருந்த போது உயிரிழந்தவரின் மரணத்திற்கான காரணங்களை உடனடியாக வெளியிட முடியாது என பொலிஸ் ஊடகப் பேச்சாளர் மெக்சி ப்ரொக்டர் தெரிவித்துள்ளார்.
பிரேத பரிசோதனை அறிக்கை கிடைத்தவுடன் குற்றத்தடுப்பு திணைக்களத்தினால் மேலதிக விசாரணைகள் நடத்தப்படும் எனவும் அவர் கூறியிருந்தார்.இந்த விசாரணைகளின் பின்ரே உயிரிழந்தமைக்கான காரணத்தை தெரிவித்திருந்த நிலையிலேயே இவர்கள் ஐவரும் கைது செய்யப்பட்டுள்ளனர்.
மூலம்/ஆக்கம் : இணையத்தள செய்திYou can leave a response, or trackback from your own site.
Leave a Reply