TELOnews.com

பாதாள உலக கோஷ்டிகள் உருவாவதை பொலிஸாராலும், பாதுகாப்பு பிரிவினராலும் தடுக்க முடியாது என நிர்மாணத்துறை, வீடமைப்பு பொறியியல் சேவை மற்றும் பொதுவசதிகள் அமைச்சர் விமல் வீரவங்ச தெரிவித்துள்ளார்.

அநுராதபுரம் திரப்பனே பகுதியில் இன்று நடைபெற்ற வைபவமொன்றில் கலந்து கொண்டு உரையாற்றியபேதே அமைச்சர் இதனைக் கூறியுள்ளார்.

பொலிஸாராலும் பாதுகாப்பு பிரிவினராலும் தற்போதுள்ள பாதாள உலக கோஷ்டிகளை ஒழிக்க முடியும், எனினும் பாதாள உலக கோஷ்டிகள் உருவாவதை தடுக்க முடியாது என அமைச்சர் குறிப்பிட்டுள்ளார்.

வறுமையினாலேயே பாதாள உலகம் உருவாகிறது எனவும் பொருளாதார ரீதியில் ஒருவர் ஸ்திரமாக இருப்பாராயின், சமூகத்துடன் இணைந்து வாழக்கூடிய சந்தர்ப்பம் இருக்குமாயின் குற்றவாளிகள் உருவாவதற்கான சந்தர்ப்பம் குறைவடையும் எனவும் அமைச்சர் விமல் வீரவங்ச மேலும் குறிப்பிட்டுள்ளார்.

You can leave a response, or trackback from your own site.