TELOnews.com

இலங்கை தலைநகர் கொழும்பில் உள்ள நியூ மேகசின் சிறைச்சாலையில் ஏற்பட்ட கலவரத்தில் குறைந்தபட்சம் 31 பேர் காயமடைந்துள்ளனர்.

இவர்களில் பெரும்பாலானவர்கள் துப்பாக்கி குண்டுகளாலேயே காயமடைந்துள்ளனர். கலவரத்தில் 3 கைதிகள் பலியாகிவிட்டதாக கைதி ஒருவர் கூறினார்.

சிறைச்சாலை துறையின் தலைவர், சிறைவாசிகளின் நடத்தப்பட்ட விதம் தேவைப்பட்ட தரத்தை விட குறைவாகவே இருப்பதாக கூறியுள்ளார். இந்த விளக்கமறியல் சிறைச்சாலையில் தற்போது நிலைமை கட்டுப்பாட்டில் உள்ளது.

கலவரத்தில் காயமடைந்தவர்கள் சிகிச்சை பெறுவதற்காக கொழும்பு தேசிய மருத்துவமனைக்கு கொண்டு வரப்பட்டனர். 26 கைதிகளுக்கும், 5 அதிகாரிகளுக்கும் சிகிச்சை கொடுக்கப்பட்டு வருவதாக மூத்த அதிகாரி ஒருவர் தெரிவித்தார்.

சிறைவாசிகளுக்கு பெரும்பாலும் துப்பாக்கி சூட்டினால் ஏற்பட்ட காயமே உள்ளது, இதில் பெரும்பான்மையான காயம் முட்டிக்கு கீழேயே உள்ளது. என்ன நடந்தது என்பது தெளிவாக தெரியாமல் உள்ளது.

புதியதாக கொண்டு வரப்பட்ட வரைமுறைகளை எதிர்த்து சிறைவாசிகள் கலவரம் நடத்தியதாகவும், இதனை கட்டுப்படுத்த துப்பாக்கி சூடு மற்றும் கண்ணீர்ப்புகை குண்டுகள் பயன்படுத்தப்பட்டதாக காவல்துறையின் சார்பில் பேசவல்லவரான அஜித் ரோஹானா தெரிவித்தார்.

You can leave a response, or trackback from your own site.