TELOnews.com

பாகிஸ்தானின் கராச்சி நகரிலிருந்து தலைநகர் இஸ்லாமாபாத்திற்கு வந்த போஜா ஏர்லைன்ஸ் விமானம், குடியிருப்பு பகுதியில் விழுந்து விபத்துக்குள்ளானதில் அதில் பயணம் செய்த 127 பேர் பலியாகியதாக அங்கிருந்து வரும் தகவல்கள் தெரிவிக்கின்றன.

பாகிஸ்தானின் கராச்சியிலிருந்து போஜா ஏர்லைன்ஸ் நிறுவனத்திற்குச் சொந்தமான பி 4213 என்ற விமானம் இஸ்லாமாபாத் நோக்கி வந்து கொண்டிருந்தது. இஸ்லாமாபாத் பெனசிர் பூட்டோ சர்வதேச விமான நிலையத்திற்கு அருகே விமானம் வந்த போது, விமான நிலையத்திற்கு அருகேயுள்ள ஹூசைன்பாத் என்ற இடத்தில் குடியிருப்புக்குள் விழுந்து நொறுங்கியது. இத்தகவலை அந்நாட்டு தொலைக்காட்சி உறுதி செய்துள்ளது.

விபத்து நடந்த பகுதியில் மீட்புப்பணிகள் முடுக்கி விடப்பட்டுள்ளன. போஜா ஏர்லைன்ஸ் நிறுவனம் தனது முதல் சேவையை கராச்சியிலிருந்து இஸ்லாமாபாத் நோக்கி செயல்படுத்தியபோது விபத்து நேரிட்டதுகுறிப்பிடத்தக்கது. விபத்தையடுத்து, இஸ்லாமாபாத் மற்றும் ராவல்பிண்டியில் உள்ள அனைத்து மருத்துவமனைகளும் உஷார்படுத்தப்பட்டுள்ளன.

You can leave a response, or trackback from your own site.