TELOnews.com

சென்னையில் உள்ள இலங்கை தூதரகத்தை முற்றுகையிட முயன்ற முஸ்லிம்கள் 500 பேர் கைது செய்யப்பட்டனர். நேற்று மாலை இடம்பெற்ற ஆர்ப்பாட்டத்தில் அவர்கள் இலங்கை ஜனாதிபதியின் உருவபொம்மையை எரித்ததால் பரபரப்பு ஏற்பட்டது.

இலங்கையில் மசூதி இடிக்கப்பட்டதை கண்டித்து, தமிழ்நாடு முஸ்லிம் முன்னேற்றக் கழகம் சார்பில் சென்னையில் நேற்று ஆர்ப்பாட்டம் நடைபெற்றது.

மைலாப்பூர் நாகேஸ்வரராவ் பூங்கா அருகே நடைபெற்ற இந்த ஆர்ப்பாட்டத்திற்குஇ தமிழ்நாடு முஸ்லிம் முன்னேற்றக் கழக பொதுச் செயலாளர் பி.அப்துல் சமது தலைமை தாங்கினார்.

இந்த ஆர்ப்பாட்டத்தில்இ தமிழ்நாடு முஸ்லிம் முன்னேற்றக் கழகத்தின் மூத்த தலைவர்கள் எம்.எச்.ஜவாஹிருல்லா எம்.எல்.ஏ., செ.ஹைதர்அலி, மனிதநேய மக்கள் கட்சி பொதுச் செயலாளர் எம்.தமிமுன் அன்சாரி உள்பட 500-க்கும் மேற்பட்ட முஸ்லிம்கள் கலந்துகொண்டனர்.

மேலும்இ இந்த போராட்டத்திற்கு ம.தி.மு.க., விடுதலை சிறுத்தைகள் உள்ளிட்ட சில கட்சிகளும் ஆதரவு தெரிவித்திருந்தன. ம.தி.மு.க. சார்பில், அக்கட்சியின் துணைப் பொதுச் செயலாளர் மல்லை சத்யா, மாவட்ட செயலாளர் மணிமாறன், விடுதலை சிறுத்தைகள் சார்பில், அக்கட்சியின் பொதுச் செயலாளர் வன்னியரசு உள்பட பலர் கலந்துகொண்டனர்.

போராட்டம் குறித்து தமிழ்நாடு முஸ்லிம் முன்னேற்ற கழக மூத்த தலைவர் எம்.எச்.ஜவாஹிருல்லா நிருபர்களிடம் கூறும்போது,

‘இலங்கையில் வாழும் ஈழத்தமிழர்களை கொன்று குவித்த இலங்கை அரசு, தற்போது அங்கு வாழும் முஸ்லிம்களை அழிக்க திட்டம் தீட்டி வருகிறது. அங்குள்ள தம்புள்ளை என்ற ஊரில் 50 ஆண்டு பழமையான பள்ளிவாசலை இடிக்க துணிந்துள்ளனர். இதற்கு முழுக்க முழுக்க இலங்கை அரசுதான் காரணம். எனவே, இதை ஓரணியில் நின்று எச்சரிக்கிறோம்´´ என்றார்.

அதனைத் தொடர்ந்துஇ போராட்டத்தில் ஈடுபட்டவர்கள், இலங்கை ஜனாதிபதியின் உருவபொம்மையை எரித்தனர். பின்னர், அங்கிருந்து இலங்கை தூதரகத்தை முற்றுகையிட புறப்பட்டனர்.

அவர்களை பொலிஸார் மறைத்து கைது செய்தனர். இதனால், அங்கு பரபரப்பு ஏற்பட்டது. கைது செய்யப்பட்டவர்கள் அனைவரும் பொலிஸ் பஸ்களில் ஏற்றப்பட்டு, அங்குள்ள திருமண மண்டபத்தில் தடுத்து வைக்கப்பட்டு பின் விடுதலை செய்யப்பட்டதாக தெரிவிக்கப்படுகிறது.

You can leave a response, or trackback from your own site.