TELOnews.com

இலங்கை அரசாங்கம் தமிழ் மக்களுக்குச் செய்ய வேண்டிய கடமையைச் செய்யாதவிடத்து, இந்தியா வன்னிக்கு உணவுப் பொருள்களை அனுப்பத் தேவையில்லையென தமிழ்த் தேசியக் கூட்டமைப்பின் பாராளுமன்றக் குழுத் தலைவர் இரா.சம்பந்தன் தெரிவித்துள்ளார்.
 
800 மெற்றிக்தொன் உணவுப் பொருள்களை மோதல்கள் இடம்பெறும் பகுதிக்கு அனுப்பிவைக்கவிருப்பதாக இந்திய மத்திய அரசாங்கம் நேற்று ஞாயிற்றுக்கிழமை அறிவித்திருந்தது. இதற்குப் பதிலளிக்கும் வகையிலேயே சம்பந்தன் மேற்கண்டவாறு கூறியுள்ளார்.
 
“நீண்டகாலமாக இடம்பெற்றுவரும் பிரச்சினைக்கு இது போதுமானது அல்ல. தமிழ் மக்கள் குறித்து இலங்கை அரசாங்கம் அக்கறை செலுத்தும் என்பதை இந்தியா நம்பவில்லையென்பதை இந்த நடவடிக்கை காட்டியுள்ளது” என பி.பி.சி.க்கு வழங்கிய செவ்வியில் சம்பந்தன் தெரிவித்தார்.
 
வன்னியில் இடம்பெறும் மோதல்களுக்கு எதிராக தமிழ் நாட்டில் எதிர்ப்பலைகள் தோன்றியிருக்கும் நிலையில் இலங்கை ஜனாதிபதி மஹிந்த ராஜபக்ஷவின் சிரேஷ்ட ஆலோசகர் பசில் ராஜபக்ஷ தலைமையிலான குழு இந்தியா சென்றுள்ளது.
 
இந்தக் குழுவினர் இந்திய வெளிவிவகார அமைச்சர் பிரணாப் முஹர்ஜி உள்ளிட்ட பிரமுகர்களைச் சந்தித்துப் பேச்சுவார்த்தை நடத்தியிருந்தது.

You can leave a response, or trackback from your own site.