TELOnews.com

சபை நடவடிக்கைகள் ஆரம்பிக்கும் போதும் நிறைவடையும் போதும் நாடாளுமன்ற உறுப்பினர்கள் செங்கோலுக்கு மரியாதை செலுத்த வேண்டும் என்று சபாநாயகர் சமல் ராஜபக்ஷ நாடாளுமன்றத்தில் நேற்று அறிவித்தார். செங்கோல் அவைக்குள் எடுத்துவரும் போதும் சபை நடவடிக்கைகள் நிறைவடைந்ததும் செங்கோல் எடுத்து செல்லப்படுகின்றபோதும் நாடாளுமன்ற உறுப்பினர்கள் தங்களுடைய ஆசனங்களுக்கு முன்பாக எழுந்து நின்று மரியாதை செலுத்தவேண்டும்.

செங்கோலுக்கு கௌரவமளித்தல், மேல்நிலையாக மதித்தல், பண்பு நாடாளுமன்றத்தில் நீண்ட காலமாக பேணப்படுகின்ற மரபாகும் ஆகையால் உறுப்பினர்கள் செங்கோலுக்கு கௌரவமளிக்க வேண்டும்.

செங்கோல் தொடர்பிலான மரபை பார்வையாளர் கலரிக்கு வருகைதருகின்ற பாடசாலை மாணவர்களும் பார்வையாளர்களும் அவதானித்துகொண்டிருக்கின்றனர் என்பதனால் செங்கோலுக்கு கௌரவமளிக்குமாறு நான் கேட்டுக்கொளிகின்றேன்.

இந்த மரபை சில உறுப்பினர்கள் கடைப்பிடிப்பதில்லை என்ற முறைப்பாடுகள் கிடைத்ததை அடுத்தே இந்த அறிவிப்பை விடவேண்டிய நிலை ஏற்பட்டதாக அவர் மேலும் தெரிவித்தார்.

You can leave a response, or trackback from your own site.