TELOnews.com

பசிபிக் பெருங்கடல் பிராந்தியத்தில் ஆஸ்திரேலியா அருகே சாலமன் தீவுகள் உள்ளன. அதன் அருகேயுள்ள மகீரா தீவில் கிரா கிரா பகுதியில் இன்று சக்தி வாய்ந்த நிலநடுக்கம் ஏற்பட்டது. இதனால் அங்கு வீடுகள், கட்டிடங்கள் குலுங்கின. பீதி அடைந்த மக்கள் தங்கள் இருப்பிடங்களை விட்டு வெளியேறி மலைகளில் பாதுகாப்பாக தங்கினர். தொடக்கத்தில் 8 ரிக்டர் ஆக நிலநடுக்கம் பதிவானது. பின்னர் அது 7.6 ரிக்டர் என உறுதி செய்யப்பட்டது. கிரா கிரா தென்பகுதியில் கடலுக்கு அடியில் 100 கி.மீட்டர் ஆழத்தில் நிலநடுக்கம் ஏற்பட்டது.இதனால் வழக்கத்தை விட அதிக உயரத்தில் கடல் அலைகள் எழும்பின. இதனால் சாலமன் தீவுகள்– பப்புவலா நியூகினியா, வனாது ஆகிய பகுதிகளுக்கு சுனாமி எச்சரிக்கை விடப்பட்டது.

மேலும், பிஜி, ஆஸ்தி ரேலியா, இந்தோனேசியா உள்ளிட்ட நாடுகளுக்கும் சுனாமி எச்சரிக்கை அறிவிக் கப்பட்டது. அதை தொடர்ந்து கடலோர பகுதி மக்கள் வெளியேற்றப்பட்டனர். இதற்கிடையே சிறிது நேரத்தில் சுனாமி எச்சரிக்கை வாபஸ் பெறப்பட்டது.

இதற்கிடையே, நிலநடுக்கம் ஏற்பட்ட மகிரா தீவில் ஏற்பட்ட சேத விவரங்கள் எதுவும் வெளியாகவில்லை. கடந்த ஆண்டு இதே பகுதியில் நிலநடுக்கமும், அதை தொடர்ந்து உருவான சுனாமியில் 5 பேர் பலியாகினர்.

You can leave a response, or trackback from your own site.