TELOnews.com

பரிசுத்த பாப்பரசர் பிரான்சிஸ், அடுத்த வருடம் ஜனவரி மாதம் 13 ஆம் திகதி காலை 9 மணிக்கு கட்டுநாயக்க சர்வதேச விமான நிலையத்தை வந்தடைவார் எனஅறிவிக்கப்பட்டுள்ளது. கொழும்பு பேராயர் மல்கம் ரஞ்சித்தின் தலைமையில் வெள்ளியன்று கொழும்பில் இடம்பெற்ற செய்தியாளர் சந்திப்பின் போது இந்த தகவல் வெளியிடப்பட்டது. விமான நிலையத்தை வந்தடையும் பரிசுத்த பாப்பரசரை திறந்த வாகனம் ஒன்றில் கொழும்பு – நீர்கொழும்பு வீதியின் ஊடாக கொழும்பு நகரத்திற்கு அழைத்து வரப்படுவார்.

அதனையடுத்து ஜனாதிபதி மஹிந்த ராஜபக்ஷ மற்றும் சர்வமத தலைவர்களுடன் பாப்பரசர் சந்திப்பொன்றை மேற்கொள்வார்.

ஜனவரி 14ம் திகதி காலை 8 மணிக்கு காலி முகத்திடலில் விசேட ஆராதனை நிகழ்வொன்றை பரிசுத்த பாப்பரசர் பிரான்சிஸ் மேற்கொள்வார் என இன்றைய செய்தியாளர் சந்திப்பில் தெரிவிக்கப்பட்டது.

பாப்பரசர் இலங்கையில் தங்கியிருக்கும் காலப்பகுதியில் மடு மாதா தேவாலயத்திற்கான விஜயம் ஒன்றையும் மேற்கொள்ளவுள்ளார்.

You can leave a response, or trackback from your own site.