TELOnews.com

யாழ். தேவி ரயிலூடாக கடந்த இரண்டு நாட்களில் 09 இலட்சம் ரூபா வருமானம் கிடைத்துள்ளதாக யாழ். ரயில் நிலைய அதிபர் நா. தபானந்தன் நேற்று வியாழக்கிழமை (16) தெரிவித்தார்.கடந்த 13 ஆம் திகதி பளையில் இருந்து யாழிற்கான யாழ். தேவி ரயில் சேவையினை ஜனாதிபதி மஹிந்த ராஜபக்ஷ ஆரம்பித்து வைத்தார். அதன் பின்னர் கடந்த 14 ஆம் திகதி யாழ்ப்பாணத்தில் இருந்து கொழும்பு நோக்கி பயணித்த புகையிரத சேவைகளில், 3 இலட்சத்து 26 ஆயிரத்து 220 ரூபாவும். கடந்த 15 ஆம் திகதி யாழில் இருந்து கொழும்பிற்கான புகையிரத சேவையில் 6 இலட்சத்து 54 ஆயிரத்து 305 ரூபா வருமானமும் கிடைக்கப் பெற்றுள்ளதாக அவர் கூறினார்.

இதன் அடிப்படையில் இரு தினங்களும் 9 இலட்சத்து 80 ஆயிரத்து 525 ரூபா வருமானம் கிடைத்துள்ளதாகவும் அதி விசேட இருக்கைகளுக்கான பதிவுகள் முன்கூட்டியே மேற்கொள்ளப்படுவதால் அதி விசேட இருக்கைகளுக்கான தட்டுப்பாடுகள் நிலவுகின்றதாகவும் ரயில் நிலைய அதிபர் மேலும் கூறினார்.

You can leave a response, or trackback from your own site.