TELOnews.com

சிரியாவில் உள்ள கோலன் ஹெய்ட்ஸ் பகுதியை கடந்த 1967–ம் ஆண்டு முதல் இஸ்ரேல் ஆக்கிரமித்துள்ளது. இது சிரியாவின் கியூனேத்ரா மாகாணத்தில் உள்ளது. இந்த ஆக்கிரமிப்பை சர்வதேச நாடுகள் அங்கீகரிக்கவில்லை. இந்த நிலையில் நேற்று இப்பகுதியில் சிரியா எல்லையில் இஸ்ரேலின் ஆளில்லாமல் இயங்கும் விமானம் பறந்தது. அதை கண்காணித்த சிரியா ராணுவம் அந்த விமானத்தை சுட்டு வீழ்த்தியது.இது ஸ்கைலார்க்–1 மாடல் விமானமாகும். இது கோலன் கெய்ட்ஸ் பகுதியில் ஹாடர் கிராமத்தில் சுடப்பட்டதாக சிரியா ராணுவம் அறிவித்துள்ளது. இதுகுறித்து இஸ்ரேல் எந்தவித கருத்தும் தெரிவிக்கவில்லை.

இதற்கிடையே, கிழக்கு சிரியாவில் உள்ள விமான படை தளத்தில் புகுந்து ஐ.எஸ். தீவிரவாதிகள் தாக்குதல் நடத்தினர். பதிலுக்கு ராணுவம் தாக்கியதால் கடும் சண்டை நடந்தது.

அதில் 20 ஐ.எஸ். தீவிரவாதிகள் கொல்லப்பட்டனர். அதன் மூலம் விமான படை தளத்தை தீவிரவாதிகள் கைப்பற்றும் முயற்சி முறியடிக்கப்பட்டது. அவர்களிடம் இருந்து விமானத்தை தாக்கும் ஏவுகணைகள் பறிமுதல் செய்யப்பட்டன.

You can leave a response, or trackback from your own site.