TELOnews.com

உலகத் தமிழ் மக்கள் அனைவரும் உழவர் திருநாளாகப் போற்றிக் கொண்டாடும் தமிழ்ப் புத்தாண்டு தினமாகிய தைப்பொங்கல் நன்னாளில் எனது மனம் நிறைந்த பொங்கல் வாழ்த்துகளைத் தெரிவிப்பதில் பெரு மகிழ்ச்சி கொள்கிறேன் என சிறி ரெலோ கட்சியின் செயலாளர் நாயகம் ப.உதயராசா தனது வாழ்த்துச் செய்தியில் தெரிவித்துள்ளார். தைப்பொங்கல் தமிழ் உழை ப்பாளியின் தினம். தமிழ் மக்களின் பிரதான தொழிலான வேளாண்மையில் ஈடுபடும் விவசாயிகள் தங்கள் வேளாண்மை சிறப்பதற்கு உதவிய இயற்கைக்கும், உற்பத்தி முறைமையில் பிரதான கருவிகளாக இருந்து வந்த காளை மாடுகளுக்கும் நன்றி தெரிவிக்கும் திருநாள். சாதி, மத பேதங்கள் கடந்து ஒட்டுமொத்தத் தமிழர்களும் கொண்டாடும் பண்பாட்டுப் பெருவிழா.

எமது பொங்கல் விழாக்கள் மங்கல நாட்களாகக் கொண்டாப்பட்டன. இழப்புகளால் சூழப்பட்ட போதிலும், இலட்சியம் நிறைவேறும் என்ற நம்பிக்கையுடன் எங்கள் பொங்கற் பானைகள் பொங்கி வழிந்தன.

அந்த மாற்றத்தை நோக்கிய பயணத்துக்கு தமிழ் மக்களாகிய நாமும் கரம் கொடுத்தோம். அந்த வகையில் எமது விடிவுக்கான கதவுகள் திறக்கப்படும் என்ற நம்பிக்கை பொங்கும் திருநாளாகத் தைப்பொங்கல் புலர்ந்துள்ளது.

எனினும், எமது உரிமைகளை எவரும் தாமாகத் தந்துவிடப் போவதில்லை.; எவரும் தரவில்லை. இந்நிலையில் புதிய நம்பிக்கையோடு தளராத உறுதியுடனும் உருக்குப் போன்ற ஐக்கியத்துடனும் அரசியல் சாணக்கியத்துடனும் எமது இலட்சிய பயணத்தைத் தொடர்ந்தும் முன்னெடுப்போம் என்று தமிழர் திருநாளாம் இத்தைத்திருநாளில் மன உறுதியுடன் கொண்டாடுவோம்.

ஊடகப்பிரிவு
சிறீரெலோ

You can leave a response, or trackback from your own site.