TELOnews.com

முன்னாள் ஜனா திபதி மகிந்த ராஜ பக்ஷவின் நற்பெய ருக்கு களங்கம் ஏற் படும் வகையில் கருத்து வெளியிட் டமைக்கு எதிர்ப்பு தெரிவித்து மஹிந்த ராஜபக்ஷ. வெளிவிவகார அமைச்சர் மங்கள சமரவீரவிற்கு சட்டத்தரணி அதுல பிரியதர்சன டி சில்வா ஊடாக கடிதமொன்றை அனுப்பி வைத்துள்ளார்.100 கோடி ரூபாய் நஷ்ட ஈடு கோரி நிபந்தனைக் கடிதம் அனுப்பி வைக்கப்பட்டுள்ளதாக தெரிவிக்கப்படுகிறது கடந்த மே மாதம் 7 ஆம் திகதி கொழும்பில் இடம்பெற்ற ஊடகவியலாளர் சந்திப்பில் முன்னாள் ஜனாதிபதி மஹிந்த ராஜபக்ஷ குறித்து அமைச்சர் மங்கள சமரவீர வெளியிட்ட கருத்துக்கள் தொடர்பில் இந்த நிபந்தனைக் கடிதம் அனுப்பி வைக்கப்பட்டுள்ளது.

முன்னாள் ஜனாதிபதி மஹிந்த ராஜபக்ஷ மற்றும் அவரது குடும்பத்தினர் 18 பில்லியன் அமெரிக்க டொலர் சொத்துக்களை குவித்துள்ளதாகவும் இலங்கையின் முதலாவது ரில்லியன் பதி மஹிந்த ராஜபக்ஷ எனவும் மங்கள சமரவீர ஊடகவியலாளர் சந்திப்பு ஒன்றில் குற்றம் சுமத்தியுள்ளார்.

தமது நற்பெயருக்கு களங்கம் ஏற்படுத்தியமைக்காக 100 கோடி ரூபா நஷ்டஈட்டை 21 நாட்களுக்குள் வழங்க வேண்டுமெனவும் அவ்வாறு வழங்கத் தவறினால் சட்ட நடவடிக்கை எடுக்கப்படும் எனவும் குறித்த கடிதத்தில் குறிப்பிடப் பட்டுள்ளது. இதேவேளை கடந்த இரண்டு நாட்களுக்கு முன்னர் நிதி அமைச்சர் ரவி கருணாநாயக்க முன்னாள் ஜனாதிபதி மஹிந்த ராஜபக்ஷவிடம் 2000 மில்லியன் நஷ்டஈடு கோரி வழக்கு தொடுக்கப் போவதாகவும் தெரிவித்திருந்தார்.

You can leave a response, or trackback from your own site.