TELOnews.com

ஜெயலலிதா நேற்று ஐந்தாவது முறையாக முதல்–அமைச்சர் பொறுப்பை ஏற்றார். இதையொட்டி அவருக்கு பிரதமர் நரேந்திர மோடி, நிதி மந்திரி அருண் ஜேட்லி, ஆந்திர முதல்–மந்திரி சந்திரபாபு நாயுடு உள்பட பலர் வாழ்த்து தெரிவித்தனர். அவர்களுக்கு முதல்–அமைச்சர் ஜெயலலிதா நன்றி தெரிவித்துள்ளார்.

இது தொடர்பாக தமிழக அரசு வெளியிட்டுள்ள செய்தி குறிப்புகளில் கூறி இருப்பதாவது:–

முதல்–அமைச்சராக ஜெயலலிதா ஐந்தாவது முறையாக 23.5.2015 அன்று பதவிப் பிரமாணம் எடுத்துக் கொண்டதையொட்டி பிரதமர் நரேந்திர மோடி, டிவிட்டரில் வாழ்த்து தெரிவித்துள்ளார். தனக்கு வாழ்த்து தெரிவித்த பிரதமர் நரேந்திர மோடிக்கு முதல்–அமைச்சர் ஜெயலலிதா தனது நன்றியினைத் தெரிவித்து கடிதம் அனுப்பியுள்ளார்.

அந்தக் கடிதத்தில் ‘‘ஐந்தாவது முறையாக தமிழக முதல்வர் பொறுப்பை ஏற்ற எனக்கு வாழ்த்து தெரிவித்த உங்களுக்கு நன்றி தெரிவித்துக் கொள்கிறேன். உங்களுக்கு என் வாழ்த்துக்களையும் தெரிவித்துக் கொள்கிறேன்’’ என்று கூறியுள்ளார்.

மத்திய நிதி, கம்பெனி விவகாரங்கள், செய்தி ஒலிபரப்பு துறை அமைச்சர் அருண் ஜேட்லி வாழ்த்து தெரிவித்துள்ளார். தனக்கு வாழ்த்து தெரிவித்த அவருக்கு முதல்–அமைச்சர் ஜெயலலிதா தனது நன்றியினைத் தெரிவித்து கடிதம் அனுப்பியுள்ளார்.

அந்தக் கடிதத்தில் ‘‘ஐந்தாவது முறையாக தமிழக முதல்வராக பதவி ஏற்ற எனக்கு வாழ்த்து தெரிவித்த உங்களுக்கு நன்றி தெரிவித்துக் கொள்கிறேன்’’ என்று கூறியுள்ளார்.

முதல்–அமைச்சராக ஜெயலலிதா பதவிப் பிரமாணம் எடுத்துக் கொண்டதையொட்டி ஆந்திர முதல்–அமைச்சர் சந்திரபாபு நாயுடு முதல்–அமைச்சர் ஜெயலலிதாவை இன்று (24–ந்தேதி) தொலைபேசியில் தொடர்பு கொண்டு வாழ்த்து தெரிவித்துள்ளார். தனக்கு வாழ்த்து தெரிவித்த ஆந்திர முதல்–அமைச்சர் சந்திரபாபு நாயுடுவுக்கு முதல்–அமைச்சர் ஜெயலலிதா தனது நன்றியினைத் தெரிவித்துக் கொண்டார்.

இவ்வாறு செய்திக் குறிப்புகளில் கூறப்பட்டுள்ளது.

You can leave a response, or trackback from your own site.