TELOnews.com

தமிழக அரசு வெளியிட்டுள்ள செய்தி குறிப்பில் கூறி இருப்பதாவது:–முதல்–அமைச்சர் ஜெயலலிதா, இன்று தமிழ்நாடு கவர்னர் ரோசையாவின் 82–வது பிறந்த நாளையொட்டி மலர் கொத்துடன் வாழ்த்துக் கடிதம் அனுப்பினார். அந்தக் கடிதத்தின் விவரம் வருமாறு:– 82–வது பிறந்த நாளை கொண்டாடும் உங்களுக்கு எனது மகிழ்ச்சியான வாழ்த்துக்களை தெரிவித்துக் கொள்கிறேன்.நீங்கள் நீண்ட காலம் உடல் ஆரோக்கியத்துடனும், மன அமைதியுடனும் வாழ்ந்து நாட்டு மக்களுக்கு சேவை செய்ய எல்லாம் வல்ல இறைவனிடம் பிரார்த்தனை செய்கிறேன்.

முதல்–அமைச்சர் ஜெயலலிதா இன்று, கவர்னரை தொலைபேசியில் தொடர்பு கொண்டு, பிறந்த நாள் வாழ்த்துக்களை தெரிவித்து, தனது மகிழ்ச்சியினை பகிர்ந்து கொண்டார்.அப்போது, தனக்கு பிறந்த நாள் வாழ்த்து தெரிவித்த முதல்–அமைச்சருக்கு தனது நன்றியினை கவர்னர் ரோசையா தெரிவித்து கொண்டார்.இவ்வாறு அதில் கூறப்பட்டுள்ளது.

You can leave a response, or trackback from your own site.