TELOnews.com

வவுனியா நகரப்பகுதியில் தமிழீழ விடுதலைப் புலிகளுக்கு ஆதரவான சுவரொட்டிகள் பரவலாக ஒட்டப்பட்டுள்ளதாக எமது செய்தியாளர் தெரிவித்தார்.வவுனியா பேரூந்து நிலையம், சுற்றுவட்ட வீதி, இலுப்பையடி, சிந்தாமணிப்பிள்ளையார் ஆலயவீதி ஆகிய இடங்களிலுள்ள மதில்கள், விளம்பர பலகைகள், வீதிப்பலகைகள் என்பவற்றிலும் குறித்த சுவரொட்டிகள் ஒட்டப்பட்டுள்ளன.

மாவீரர் தினம் நவம்பர் 25 தொடக்கம் 27என தலைப்பிடப்பட்டு ஏ4 அளவிலான தாளில் அச்சிடப்பட்டு மாவீரர் தினத்தை கோவில்கள், பாடசாலைகள், வீடுகள், பொது இடங்கள், அரசசார்பற்ற நிறுவனங்கள் என்பவற்றில் உணர்வெழுச்சியுடன் கொண்டாடுவோம் என அதில் குறிப்பிடப்பட்டுள்ளது.

இந்நிலையில் குறித்த சுவரொட்டிகள் யாரால் ஒட்டப்பட்டவை என இதுவரை அடையாளம் காணப்படவில்லை எனவும். குறித்த சம்பவம் தொடர்பில் மேலதிக விசாரணைகளை முன்னெடுத்து வருவதாகவும் பொலிஸ் ஊடகப்பேச்சாளர் தெரிவித்துள்ளார்.

You can leave a response, or trackback from your own site.