TELOnews.com

உள்நாட்டு விமானப் போக்குவரத்தை விரிவுபடுத்தும் வகையில் எதிர்வரும் ஆண்டு மூன்று புதிய விமானநிலையங்களை அமைக்கவுள்ளதாக அமைச்சர் நிமல் சிறிபால டி சில்வா அறிவித்துள்ளார். புத்தளம் , பாலாவியில் அமைந்துள்ள விமானப் படை விமான நிலையத்துக்கு கண்காணிப்பு விஜயமொன்றை அமைச்சர் நிமல் சிறிபால டி சில்வா நேற்று திங்கட்கிழமை மேற்கொண்டிருந்தார்.

இதன் பின்னர் செய்தியாளர்களிடம் கருத்து வெளியிட்ட அவர், புத்தளம், பதுளை மற்றும் திகணையில் அடுத்த வருடத்துக்குள் உள்நாட்டுப் போக்குவரத்துக்கான சிறிய விமான நிலையங்கள் மூன்று அமைக்கப்படும்.

அத்துடன் கல்பிட்டி மற்றும் வில்பத்து பிரதேசங்களின் சுற்றுலாத்துறை அபிவிருத்திக்காக பாலாவி விமானப்படை விமான நிலையமும் அபிவிருத்தி செய்யப்படும் என்றும் அமைச்சர் நிமல் சிறிபால டி சில்வா தெரிவித்துள்ளார்.

You can leave a response, or trackback from your own site.