TELOnews.com

கிழக்கு டெல்லியில் உள்ள கார்கர்டூமா கோர்ட் வளாகத்தில் இன்று மர்ம நபர்கள் நடத்திய துப்பாக்கிச் சூட்டில் போலீஸ்காரர் உள்பட 3 பேர் படுகாயம் அடைந்தனர். இன்றுகாலை 11 மணியளவில் கோர்ட் வளாகத்துக்கு விசாரணைக்காக ஒரு சிறை கைதியை போலீசார் பாதுகாப்பாக அழைத்து வந்தனர். அப்போது, முன்விரோதம் காரணமாக அந்த கைதியை தீர்த்துக்கட்ட திட்டமிட்டு அங்கே காத்திருந்த மர்ம நபர்கள் அவரை நோக்கி கண்மூடித்தனமாக துப்பாகிகளால் சுட்டனர்.

இதில் அந்த கைதிக்கு பாதுகாப்பாக வந்த போலீஸ்காரர் உடலில் நான்கு குண்டுகள் பாய்ந்தன. உடன்வந்த கைதி மற்றும் கோர்ட் பாதுகாவலர் உள்பட மூன்று பேரை நோக்கி சரமாரியாக துப்பாக்கியால் சுட்டுவிட்டு, அந்த மர்ம நபர்கள் அங்கிருந்து தப்பிச் சென்றனர்.

இச்சம்பவம் பற்றிய தகவல் கிடைத்ததும் விரைந்துவந்த போலீசார், காயமடைந்தவர்களை ஆஸ்பத்திரிக்கு அனுப்பிவைத்து, அங்கிருந்தவர்களிடம் விசாரித்து வருகின்றனர்.

You can leave a response, or trackback from your own site.