TELOnews.com

கிறீன் ஓசன் கப்பல் மூலம் அனைத்துலக செஞ்சிலுவைக் குழுவின் அனுசரணையுடன் முல்லைத்தீவு மாவட்டத்தின் புதுமாத்தளன் பகுதியிலிருந்து மற்றும் ஒரு தொகுதியினர் இன்று புல்மோட்டைக்கு கொண்டு வரப்பட்டுள்ளதாக அதிகாரிகள் கூறுகின்றனர்.

544 பேர் இவ்வாறு கப்பல் மூலம் கொண்டு வரப்படுவதாகவும் தெரிவிக்கப்படுகின்றது.

இன்று பிற்பகல் புதுமாத்தளனிலிருந்து புறப்பட்ட இந்தக் கப்பல்   புல்மோட்டையை வந்தடைந்துள்ளது.

இதேவேளை, திருகோணமலை மாவட்டத்தின் மூதூர் ஈச்சிலம்பற்று பகுதியில் வைத்து 22 வயதான இளைஞர் ஒருவர் அடையாளம் தெரியாதோரால் சுட்டுக்கொல்லப்பட்டுள்ளதாக சேருநுவர பொலிசார் தெரிவித்துள்ளனர்.

நேற்று பின்னிரவு வேளை இந்த இளைஞர் உணவகம் ஒன்றின் அருகே நின்றிருந்த வேளை மோட்டார் சைக்கிளில் சென்ற ஆயுதபாணி ஒருவர் இவர் மீது துப்பாக்கிப் பிரயோகம் மேற்கொண்டதாக கூறப்படுகின்றது.

மூதூரை அண்டிய பிரதேசத்தில் கடந்த வார இறுதியில் மூவர் அடையாளம் தெரியாதோரால் சுட்டுக்கொல்லப்பட்டுள்ளனர் என்பது குறிப்பிடத்தக்கதாகும்.

You can leave a response, or trackback from your own site.