TELOnews.com

பாரிஸ் தாக்குதல் தொடர்பாக தேடப்பட்டுவந்த சலா அப்தேஸ்லாம் பெல்ஜிய காவல்துறையினரால் கைது செய்யப்பட்டுள்ளார்.பிரான்ஸ் நாட்டின் பாரீஸ் நகரில் கடந்த ஆண்டு நவம்பர் மாதம் 13 ஆம் தேதி தீவிரவாதிகள் நடத்திய தாக்குதலில் 125 க்கும் மேற்பட்ட பொதுமக்கள் பரிதாபமாக உயிரிழந்தனர். தாக்குதல் நடத்திய தீவிரவாதிகளும் பாதுகாப்புப் படையினரால் சுட்டுக்கொல்லப்பட்டனர். இந்தத் தாக்குதலில் தொடர்புடைய 26 வயது தீவிரவாதி சலா அப்தேஸ்லாம் தேடப்பட்டு வந்தார். அவரை பிடிக்கும் முயற்சியில் பிரான்ஸ் மற்றும் பெல்ஜியம் நாட்டு போலீசார் தீவிரமாக ஈடுபட்டார்.

இந்நிலையில் தீவிரவாதி சலா அப்தேஸ்லாம் பெல்ஜிய காவல்துறையினரால் கைது செய்யப்பட்டுள்ளதாக தகவல்கள் வெளியாகியுள்ளது.

ப்ரஸ்ஸல்ஸ் நகரில் நடந்த பயங்கரவாத எதிர்ப்புத் தேடுல் வேட்டையில் அவர் கைது செய்யப்பட்டிருப்பதாக அந்நாட்டு காவல்துறை தரப்பில் தெரிவிக்கப்பட்டுள்ளது.

ப்ரஸ்ஸல்ஸில் பிறந்த ஃபிரெஞ்சு குடிமகனான சலா அப்தேஸ்லாம் நவம்பர் தாக்குதல்களுக்கு முன்பாகவும் மொலென்பீக் பகுதியில் வசித்துவந்தார்.

You can leave a response, or trackback from your own site.