TELOnews.com

ராமேஸ்வரம் மீனவர்க‌ள் 16 பேரையும், 3 படகுகளையும் இலங்கை கடற்படையினர் சிறைபிடித்துள்ளனர்.நேற்று ராமேஸ்வரத்தில் இருந்து சென்ற மீனவர்கள் நெடுந்தீவு அருகே மீன்பிடித்துக்கொண்டிருந்தனர். அப்போது அங்கு வந்த இலங்கை கடற்படையினர் 5 மீனவர்களையும், அவர்களின் படகுகளையும் சிறைபிடித்தனர். இதே போல், பேச்சாலையில் மீன்பிடித்துக் கொண்டிருந்தவர்களில் 2 படகுகளில் இருந்த 11 பேரும் சிறைபிடிக்கப்பட்டுள்ளனர்.

அவர்கள் அனைவரிடமும் காங்கேசன் துறைமுகத்தில் வைத்து விசாரணை நடைபெறவுள்ளது. ஏற்கனவே இலங்கை சிறைகளில் 57 மீனவர்கள் அடைக்கப்பட்டுள்ளனர். அவர்களின் 105 படகுகளும் விடுவிக்கப்படாமல் உள்ளன. இந்த நிலையில், மீண்டும் மீண்டும் இலங்கை கடற்படையினர் கைது செய்வதால், வாழ்வாதாரமே பாதித்து, வாழவே வழியில்லாமல் தவிப்பதாக மீனவர்கள் தெரிவித்துள்ளனர்.

You can leave a response, or trackback from your own site.