TELOnews.com

பாகிஸ்தானின் பலூசிஸ்தான் மாகாணத்தின் தலைநகரான கராச்சியில் இருந்து சுமார் 100 கிலோமீட்டர் தூரத்தில் உள்ள லாஸ்பெல்லா என்றபகுதியில் புகழ்பெற்ற ஷா நூரானி தர்கா என்ற வழிபாட்டுத் தலம் உள்ளது. இங்கு நேற்று மாலை சுமார் 500 பேர் நேர்த்திக்கடன் செலுத்துவதற்காக திரண்டிருந்தனர். அப்போது தர்கா வளாகத்தில் சக்திவாய்ந்த குண்டு வெடித்தது. இதில், ஏராளமான பக்தர்கள் தூக்கி வீசப்பட்டனர்.

சம்பவ இடத்திற்கு போலீசாரும், மீட்புக்குழுவினரும் ஆம்புலன்சுகளுடன் விரைந்து வந்து மீட்பு பணியில் ஈடுபட்டனர். பலர் ரத்த வெள்ளத்தில் பிணமாகக் கிடந்தனர். பலர் உடல் உறுப்புகள் சிதைந்த நிலையில் உயிருக்குப் போராடினர். காயமடைந்தவர்கள் மீட்கப்பட்டு உடனடியாக மருத்துவமனைக்கு அனுப்பி வைக்கப்பட்டனர்.

இந்த குண்டுவெடிப்பில் பெண்கள், குழந்தைகள் உள்ளிட்ட 30 பேர் இறந்திருப்பதாக மீட்புக்குழு அதிகாரிகள் நேற்றிரவு தெரிவித்தனர். படுகாயமடைந்த 100-க்கும் மேற்பட்டோர் அருகாமையில் உள்ள மருத்துவமனைகளில் சேர்க்கப்பட்டனர்.

மருத்துவமனைகளில் சிகிச்சை பெற்றுவந்த பலர் அடுத்தடுத்து உயிரிழந்ததையடுத்து, இன்று காலை நிலவரப்படி இந்த தீவிரவாத தாக்குதலில் பலியானோர் எண்ணிக்கை 52 ஆக உயர்ந்துள்ளதாக உள்ளூர் ஊடகங்கள் செய்தி வெளியிட்டுள்ளன.

You can leave a response, or trackback from your own site.