டெல்லியில் பிரதமருடன் ஓ.பன்னீர்செல்வம் இன்று சந்திப்பு
முதல்–அமைச்சர் ஓ.பன்னீர்செல்வம் டெல்லியில் இன்று பிரதமர் மோடியை சந்திக்கிறார். தமிழ்நாடு முதல்–அமைச்சர் ஓ.பன்னீர்செல்வம் இன்று (திங்கட்கிழமை) டெல்லியில் பிரதமரை சந்தித்து, தமிழ்நாட்டில் ‘‘வார்தா’’ புயலினால் ஏற்பட்ட சேதத்திற்கு மத்திய அரசு நிவாரணம் அளிக்க கோருவதோடு, தமிழ்நாடு சார்பாக பல்வேறு கோரிக்கைகள் அடங்கிய மனுவை அளிக்க உள்ளார்.
மேலும் மறைந்த முன்னாள் முதல்–அமைச்சர் ஜெயலலிதாவுக்கு ‘‘பாரத ரத்னா’’ விருது அளிக்க வேண்டியும், ஜெயலலிதாவுக்கு முழு திருவுருவ வெண்கலச்சிலையை பாராளுமன்ற வளாகத்தில் அமைக்கவும் கோரி கடிதங்களை அளிக்க உள்ளார். பின்னர் இன்றே முதல்–அமைச்சர் ஓ.பன்னீர்செல்வம் சென்னை திரும்புகிறார். இவ்வாறு தமிழக அரசு வெளியிட்டுள்ள அறிக்கையில் கூறப்பட்டு உள்ளது.
மூலம்/ஆக்கம் : இணையத்தள செய்திYou can leave a response, or trackback from your own site.
Leave a Reply