TELOnews.com

ராஜீவ் காந்தியின் 75-வது பிறந்த நாளையொட்டி டெல்லியில் உள்ள அவரது சமாதியில் சோனியா காந்தி மற்றும் தலைவர்கள் மரியாதை செலுத்தினார்கள். மறைந்த பிரதமர் ராஜீவ் காந்தியின் 75-வது பிறந்தநாள் விழா நேற்று கொண்டாடப்பட்டது. இதையொட்டி டெல்லி வீர்பூமியில் அமைந்துள்ள அவரது சமாதிக்கு காங்கிரஸ் தலைவர் சோனியா காந்தி, துணைத்தலைவர் ராகுல் காந்தி மற்றும் அவரது சகோதரி பிரியங்கா, அவரது கணவர் ராபர்ட் வதேரா, மகள் மிரயா வதேரா ஆகியோர் சென்று மரியாதை செலுத்தினார்கள்.

முன்னாள் ஜனாதிபதி பிரணாப் முகர்ஜி, முன்னாள் பிரதமர் மன்மோகன் சிங், டெல்லி முன்னாள் முதல்-மந்திரி ஷீலா தீட்சித், பாராளுமன்ற முன்னாள் சபாநாயகர் மீராகுமார் மற்றும் பல தலைவர்களும் மரியாதை செலுத்தினார்கள்.

பிரதமர் மோடி தனது டுவிட்டர் பக்கத்தில் ராஜீவ் காந்தியின் பிறந்தநாள் பற்றி எழுதி இருக்கிறார். அதில், ராஜீவ் காந்தியின் பிறந்த நாளையொட்டி, அவரை பற்றியும் நாட்டுக்கு அவர் ஆற்றிய சேவைகளையும் நினைவுகூர்வதாக பிரதமர் மோடி குறிப்பிட்டு இருக்கிறார்.

You can leave a response, or trackback from your own site.