TELOnews.com

ஜனாதிபதி தேர்தலில் பொலிஸ் உத்தியோகத்தர்கள் இன்றும் (04) நாளையும் (05) தினங்களில் தபால் மூலம் வாக்களிக்க சந்தர்ப்பம் வழங்கப்பட்டுள்ளது. அதேபோல் மாவட்ட செயலகங்கள் மற்றும் தேர்தல்கள் செயலகத்தில் பணிபுரியும் ஊழியர்களுக்கும் தபால் மூலம் வாக்களிக்க வாய்ப்பு வழங்கப்பட்டுள்ளதாக தேர்தல்கள் ஆணைக்குழு தெரிவித்துள்ளது.

ஜனாதிபதி தேர்தலுக்கான தாபல்மூல வாக்களிப்பு கடந்த மாதம் 31 ஆம் திகதி ஆரம்பமானது.

அதற்கமைய 31 ஆம் மற்றும் 1 ஆம் திகதிகளில் அரச நிறுவனங்களில் கடமையாற்றுபவர்களுக்கும், இராணுவத்தில் பணிபுரிபவர்களுக்கும் தாப்மூலம் வாக்களிக்க சந்தர்ப்பம் ஏற்படுத்திக் கொடுக்கப்பட்டது.

எனினும் அன்றைய தினத்தில் வாக்களிக்க தவறியவர்களுக்கு எதிர்வரும் 7 ஆம் திகதி சந்தர்ப்பம் உள்ளதாக தேர்தல்கள் ஆணைக்குழு தெரிவித்துள்ளது.

அர்களுக்கு அன்றைய தினம் தத்தமது சேவை நிறுவனங்களில் அல்லது தேர்தல்கள் செயலகத்தில் அமைக்கப்பட்டுள்ள வாக்குச் சாவடிகளில் வாக்களிக்க முடியும்.

இதேவேளை, இந்தமுறை ஜனாதிபதி தேர்தலில் தபால் மூலம் வாக்களிக்க சந்தர்பம் கோரிய 52 ஆயிரத்துக்கும் அதிகமான விண்ணப்பங்கள் நிராகரிக்கப்பட்டுள்ளன.

எனவே, அவர்கள் ஜனாதிபதி தேர்தலுக்கான வாக்களிப்பு நடைபெறும் எதிர்ரும் 16 ஆம் திகதி சாதாரணமாக வாக்களிக்க முடியும் எனவும் தேர்தல்கள் ஆணைக்குழு தெரிவித்துள்ளது.

மூலம்/ஆக்கம் : இணையத்தள செய்தி

You can leave a response, or trackback from your own site.