TELOnews.com

புகையிரதம் தடம்புரண்டதினால் வடக்கு நோக்கிய புகையிரத பயணங்கள் தடைப்பட்டுள்ளதாக தெரிவிக்கப்படுகின்றது. யாழ்ப்பாணத்தில் இருந்து கல்கிஸ்ஸ நோக்கிய பயணித்த யாழ்தேவி புகையிரதமே இவ்வாறு தடம்புரண்டுள்ளது.கல்கமுவ மற்றும் அம்பன்பொல புகையிரத நிலையங்களுக்கு இடைப்பட்ட பகுதியில் குறித்த புகையிரதம் தடம் புரண்டுள்ளது.

புகையிரதத்தின் 5 பெட்டிகள் கவிழ்ந்துள்ளதாக புகையிரத கட்டுப்பாட்டு அறை தெரிவிக்கின்றது.இதனால் வடக்கு நோக்கி பயணிக்கும் புகையிரத பயணங்கள் மஹவ புகையிரத நிலையம் வரை மட்டுப்படுத்தப்பட்டுள்ளதாகவும் யாழ்ப்பாணம் நோக்கி பயணிக்கும் புகையிரதம் அம்பன்பொல வரையில் பயணிக்கும் எனவும் தெரிவிக்கப்படுகின்றது.

அத்துடன் வடக்கு நோக்கி பயணிக்கும் இரவு நேர புகையிரத பயணங்கள் அனைத்தும் இரத்து செய்யப்பட்டுள்ளதாக தெரிவிக்கப்படுகின்றது.

You can leave a response, or trackback from your own site.